Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

IMG 3543

Суперлиганинг 29 ва 30 апрель кунларига белгиланган 9-тур ўйинларига ҳакамлар, назоратчилар ва комиссарлар тайинланди. Мазкур тур доирасидаги “Навбаҳор” – “Нефтчи” жамоалари ўртасидаги “водий дербиси” учрашувини навоийлик Зокиржон Қодиров бошчилигидаги ҳакамлар бригадаси бошқарадиган бўлди. Қодировга қанотларда ҳамшаҳарлари Обид Жумаев ва Руслан Самандаров ёрдам беришади. Захира ҳаками тошкентлик Раҳимбек Каримов. Ўйин назоратчиси пойтахтлик Сардор Нажафалиев. Ўйин комиссари Бахтиёр Намозов. Эслатиб ўтамиз, “Навбаҳор” – “Нефтчи” жамоалари ўртасидаги учрашув 29 апрель куни соат 18:00да бошланади.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

"Пахтакор" - "Навбаҳор" учрашувидан сўнг ўтказилган матбуот анжуманининг иккинчи қисмида “Пахтакор” бош мураббийи Шота Арвеладзе ва жамоа ҳужумчиси Тиаго Безерралар иштирок этишди.

Шота Арвеладзе: - Қизиқарли ўйинни гувоҳига айландик. Ўйингоҳга келган мухлислар ҳам зерикиб қолишмади. Ўйлашимча, учрашув барчага манзур бўлди. Ўйинда ҳаммани мақтай оламан. Рақиб ўйинини синчиклаб ўрганиб чиққандик. Уларнинг ўйин услубини ўзлаштириб, шунга қараб тайёрландик. Иккинчи бўлимда улар биргина тўп оширмадан бошқа ҳеч нарсалари билан ёдимда қолишмади. Биринчи бўлимда Суюнов жамоани қутқарди. Жуда ҳам муҳим ғалабани қўлга киритдик. Гриффитсда кичик жароҳат бор. Шу боис ҳам охирги учрашувларда майдонга тушмаётган эди. Жамоадаги рақобат ҳеч қайси футболчига асосий таркибга киришига кафолат бермайди. Ҳар икки жамоани ишқибозлар ажойиб қўллаб-қувватлашди. Жамоам ва рақиб мухлисларига ҳам миннатдорчилик билдираман. Гонсалвеш? Унинг ўйинидан қониқиш ҳосил қилмоқдаман. Сафарда энг катта ноқулайлик бўлаётган жиҳат, бу майдоннинг ҳолати. Шунингдек, ҳар қандай жамоа сафарда ўйнашга қийналади. “Бунёдкор” – “Локомотив” ўйинида кимга омад тилайман? Фақат “Пахтакор”га омад тилайман. Эртанги ўйинда ҳеч кимга мухлислик қилмайман. Чунки, фақат “Пахтакор”га ишқибозлик қиламан. Қолгани мени қизиқтирмайди.

Тиаго Безерра: - Ўтган турда сафардаги ажойиб ғалаба бизни янада руҳлантирди. Бугунги ўйинда кескин кураш кечди. “Навбаҳор”га ўтган мавсумда мағлуб бўлгандик. Бугун эса жуда муҳим бўлган ғалабани қўлга киритдик. Кўплаб вазиятларни яратдик. Рақиб қарши ҳужумлардан фойдаланишга уринди. Баъзида қўполликлар ишлатилади. Футболда бунга тайёр туриш керак. Бу ерда футбол савияси ўсиб бормоқда. Эътиборни футбол ўйнаш ва жамоага фойда келтиришга қаратиш керак.