Клуб янгиликлари

Кўрилган: 369
Rating:

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Ўзбекистон кубоги чорак финалидан ўрин олган баҳсда “Навбаҳор” ўз майдонида Тошкентнинг  “Пахтакор” жамоасини қабул қилади.

Мамлакатимизнинг энг совриндор клублари қаторидан жой олган ва Суперлига (олий лига)мизнинг мунтазам иштирокчиси бўлган мазкур жамоаларнинг Ўзбекистон кубоги тарихидаги натижаларига назар соладиган бўлсак, “Навбаҳор” биллур совринни 3 марта – 1992, 1995 ва 1998 йилларда қўлга киритган ҳамда 1993 йили финал иштирокчисига айланиб, ҳал қилувчи баҳсда айнан бўлажак рақиб “Пахтакор”га 0:3 ҳисобида имкониятни бой берган.

“Пахтакор” эса Ўзбекистон кубогини қўлга киритиш бўйича рекордчи ҳисобланади. “Шерлар” 13 марта (!) биллур соврин соҳибига айланишган. Пойтахтликлар 1993, 1997, 2001, 2002, 2003, 2004, 2005, 2006, 2007, 2009, 2011, 2019 ҳамда 2020 йилларда Ўзбекистон кубогини бошлари узра кўтаришган.

Шунингдек, “Пахтакор” 1996, 2008, 2018 ва 2021 йилларда Ўзбекистон кубогининг финалида иштирок этиб, рақибларига имкониятни бой берган.         

Таъкидлаш жоизки, “Навбаҳор” ва “Пахтакор” жамоалари  Ўзбекистон кубоги доирасидаги баҳсларда ўзаро 10 марта рўбарў келишган.

Ушбу ўйинларнинг 1 тасида “Навбаҳор” ғалаба қозонган бўлса, 3 беллашувда дуранг қайд этилган ва 6 та баҳсда “Пахтакор” зафар қучган. Тўплар нисбатидаги устунлик ҳам тошкентликлар тарафида – 24 – 11. 

Превью Навбаҳор Пахтакор ўйинига 2

Мазкур жамоаларнинг Ўзбекистон кубоги доирасидаги барча учрашувлари натижалари:

1993 йил. Финал

“Навбаҳор” – “Пахтакор” – 0:3

1998 йил. Ярим финал

“Пахтакор” – “Навбаҳор” – 1:1

“Навбаҳор” – “Пахтакор” – 2:0

2005 йил. Ярим финал

“Навбаҳор” – “Пахтакор” – 4:4

“Пахтакор” – “Навбаҳор” – 3:1

2008 йил. 1/8 финал

“Навбаҳор” – “Пахтакор” – 1:2

“Пахтакор” – “Навбаҳор” – 5:0

2009 йил. 1/8 финал

“Навбаҳор” – “Пахтакор” – 0:3

2012 йил. 1/8 финал

“Навбаҳор” – “Пахтакор” – 1:2

“Пахтакор” – “Навбаҳор” – 1:1

Эслатиб ўтамиз, “Навбаҳор” – “Пахтакор” учрашуви 2 сентябрь куни Намангандаги “Марказий” ўйингоҳда соат 20:00 да старт олади.

Бўлажак баҳсда жамоамизга омад ёр бўлишини тилаймиз.

“Навбаҳор” ПФК матбуот хизмати.     

Кўрилган: 602
Rating:

Рейтинг:  2 / 5

Звезда активнаЗвезда активнаЗвезда не активнаЗвезда не активнаЗвезда не активна

Ўзбекистон Coca Cola кубоги чорак финалидан ўрин олган, “Финалдан олдинги финал” дея эътироф этилаётган “Навбаҳор” – “Пахтакор” ўртасидаги учрашув арафасида “лочинлар”нинг 31 ёшли тажрибали дарвозабони Ўткир Юсупов бўлажак ўйин ҳақидаги фикрлари билан ўртоқлашди.

- Хабарингиз бор, жамоамиз 28 август куни Coca Cola Суперлигасининг 17-туридан ўрин олган баҳсда айнан “Пахтакор”га қарши майдонга тушган ва ўша ўйинда 1:1 ҳисобидаги жанговар дуранг қайд этилганди. Қуръа натижаларига кўра, Ўзбекистон Coca Cola кубоги чорак финалида ҳам “шерлар” билан куч синашадиган бўлдик.

Бу сафарги учрашув олдингисидан ҳам кўра, кескин ва шиддатли курашлар остида кечиши аниқ. Боиси, бўлажак ўйинда энди дуранг бўлмайди ва қайсидир жамоа зафар қучиши шарт.        

Шунинг учун ушбу беллашув “Финалдан олдинги финал” дея эътироф этилмоқда ҳамда бўлажак баҳсга қизиқиш ўта юқори.

Биз – футболчилар ҳам мазкур ўйиннинг қандай аҳамиятга эга эканлигини тушуниб турибмиз ва бўлажак беллашувда ғалаба қозониш, мухлисларга қувонч улашиш, ярим финал йўлланмасини қўлга киритишга ҳаракат қиламиз ҳамда буни амалга ошириш учун барча имкониятимизни ишга соламиз. 

Юсупов Ўткир расмлари 11

Боиси, жорий мавсумда Ўзбекистон кубогини ҳам қўлга киритишни ният қилганмиз. Ишқибозлардан эса жамоамизни бевосита стадионда муносиб тарзда қўллаб-қувватлаб, ғалабамизга мададкор бўлишларини сўраб қоламан.  

Фурсатдан фойдаланиб, бизга барча шароитларни яратиб бераётган Наманган вилояти ҳокими Шавкат Шокиржанович Абдураззоқов, шунингдек, “Навбаҳор” ПФК раҳбарияти, жумладан, клуб президенти Отабек Арифович Саматовга жамоамиз номидан ўз миннатдорчилигимни билдираман.

Жамоамиз жорий мавсумда ўз олдига қўйган юксак мақсад, яъни, Осиё Чемпионлар Лигаси йўлланмасини қўлга киритиш учун охиригача кураш олиб боради ҳамда буни амалга ошириш учун биз – футболчилар қўлдан келганича ҳаракат қиламиз.

“Навбаҳор” ПФК матбуот хизмати. 

Кўрилган: 318
Rating:

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Хабарингиз бор, жорий йилнинг 2-3 сентябрь кунлари Ўзбекистон Cоcа Cоlа кубогининг чорак финал учрашувлари бўлиб ўтади.

Ўзбекистон Профессионал футбол лигаси (ЎзПФЛ) томонидан мазкур ўйинларда фаолият олиб борадиган расмийлар рўйхати эълон қилинди.

Унга кўра, мазкур босқичдан ўрин олган, финалдан олдинги финал мақомига эга бўлган “Навбаҳор” – “Пахтакор” баҳсини тошкентлик Раҳимбек Каримов бошчилигидаги ҳакамлар бригадаси бошқарадиган бўлди. Каримовга қанотларда ҳамшаҳарлари -  Руслан Серазитдинов ва Бахтиёрхўжа Шавкатов  ёрдам беришади. Захира ҳаками андижонлик Акмал Раҳимов. 

Раҳимбек Каримов расми 2

Учрашув назоратчиси этиб, пойтахтлик Марат Исмоилов тайинланган.

Ўйин комиссари сифатида эса тошкентлик Бекзод Арипов фаолият олиб боради.

Эслатиб ўтамиз, “Навбаҳор” – “Пахтакор” беллашуви 2 сентябрь куни Намангандаги “Марказий” ўйингоҳида соат 20:00да старт олади.

Бўлажак ўйинда жамоамизга омад ёр бўлишини тилаймиз.

“Навбаҳор” ПФК матбуот хизмати.         

Кўрилган: 397
Rating:

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

U-21 Биринчилиги. 17-тур

“Навбаҳор-U-21” – “Пахтакор-U-21” -1:0 (1:0)

Наманган. “Марказий” ўйингоҳ захира майдони. 210 томошабин.

Ҳакамлар: Илья Ильин, Исломжон Носиров, Бобурбек Иброҳимов, Ғайрат Жўраев.

Назоратчи: Арслон Ҳотамов.

ЎзПФЛ комиссари: Сардор Қудратуллаев.

Гол: Дониёрбек Мирзақаюмов (43).

“Навбаҳор–U-21”: 41.Озодбек Маърупов,7.Азимжон Аҳмедов (89.Озодбек Ўктамов,73), 28.Станислав Андреев, 40.Жаҳонгир Турсунов, 56.Аброр Каримов, 62.Камронбек Неъматжонов,64.Музаффар Муминов, 67.Тоҳир Рафаэлов (53.Шодиёр Шодибоев,73),70.Муҳаммадбобир Муйдинов (96.Ҳусан Ғанижонов,8), 97.Дониёрбек Мирзақаюмов, 98.Давронбек Олимжонов.

“Пахтакор-U-21”:51.Отабек Боймуродов, 15.Диёрбек Ортиқбоев, 26.Беҳзод Неъматов, 31.Абдуллоҳ Абдулазизов, 32.Бехрузбек Асқаров, 43.Муҳаммад Мансуров (84.Нодирхон Хабибуллаев,75), 49.Хосрав Хананов, 58.Абубакир Ашуров,61.Акбар Уктамов, 70.Асадбек Беглархонов, 77.Достонбек Турсунов.

Огоҳлантиришлар: Д.Олимжонов (60), К.Неъматжонов (70), А.Аҳмедов (71) – Б.Асқаров (90+1), Н.Хабибуллаев (90+3). 

Дубль. Навбаҳор U 21 Пахтакор U 21 расмлари 1

    U-21 Биринчилиги 17-туридан ўрин олган баҳсда  Алишер Маҳмудов, Аъзам Ражаббаев ва Ҳасан Ризаев мураббийлик қилаётган “Навбаҳор-U-21” ёшлар жамоамиз ўз майдонида “Пахтакор” ёшларини қабул қилди.

Кескин курашлар остида кечган мазкур қизиқарли ўйинда мезбонлар 1:0  ҳисобида ғалаба қозонишди.    

Таъкидлаш жоизки, мазкур ўйин ҳужумкор тарзда кечиб, ҳар икки жамоа дарвозабонлари кўплаб вазиятларда ўз маҳоратларини намойиш этиб, ўз дарвозаларини муқаррар голлардан сақлаб қолишди. Устунлик кўпроқ вакилларимиз томонида бўлсада, пойтахтликларнинг кам сонли ҳужумлари ҳам анча хавфли кўриниш олди.

Учрашув тақдирини ҳал қилган ягона тўп эса учрашувнинг 43-дақиқасида киритилди. Ўша вазиятда ёшлар жамоамиз ярим ҳимоячиси Дониёрбек Мирзақаюмов жарима майдончаси ташқарисидан кучли зарба йўллаб, Отабек Боймуродов қўриқлаётган дарвозани аниқ нишонга олиб, ёш “лочинлар”га ғалаба келтирган гол муаллифига айланди. 

Дубль. Навбаҳор U 21 Пахтакор U 21 расмлари 2

Мазкур ютуқдан сўнг, ёшлар жамоамиз очколари  сонини 23 тага етказган ҳолда, турнир жадвалида 7-ўринга кўтарилди.

“Навбаҳор” ПФК матбуот хизмати. 

Кўрилган: 608
Rating:

Рейтинг:  1 / 5

Звезда активнаЗвезда не активнаЗвезда не активнаЗвезда не активнаЗвезда не активна

Ўзбекистон Coca Cola Суперлигасининг 17-туридан ўрин олган “Навбаҳор” – “Пахтакор” (1:1) учрашувидан кейинги матбуот анжуманининг биринчи қисмида меҳмонлар жамоаси  бош мураббийи Максим Шацких иштирок этиб,журналистларнинг саволларига жавоб берди. Максим Александрович ўз сўзини ортда қолган ўйин ҳақидаги фикрлари билан бошлади.  

- Барчага хайрли кеч. Бунча кўп журналистни кўриш ёқимли. Менимча ўйин мухлисларга ёқди. Чемпионлик учун курашаётган иккита кучли жамоа тўқнаш келди, шу боис баҳс томошабоп ва кескин ўтди. Одатда бундай ўйинларда кўп голли вазиятлар кутилмайди, аммо бугун яхши ўйин бўлди. Бугун томошабинлар стадионни тўлдиришди ва улар уйга яхши кайфиятда кетишди деб ўйлайман.
- Ҳар бир мураббий ўйиндан аввал ҳам рақиб, ҳам ўз жамоаси ўйини ҳақида тасаввур бўлади. Бугун ўша тасаввурингиз билан қанчалик мос тушди?
- Биз ҳар бир рақибга тайёргарлик кўрамиз. Унинг кучли ва кучсиз томонларини ўрганиб чиқамиз. Шунга қараб, тактика тузамиз. “Навбаҳор”нинг кўп ўйинларини кўриб чиқдик. Улар доим бир хил ўйнашади, бугун ҳам шундай бўлди. Бизнинг дарвозамиз олдида хавфли вазиятлар содир бўлди ва гол ўтказдик. Шундай экан қиладиган ишларимиз кўп.

- Наманганлик мухлислар акангиз Олег Шацкихни яхши хотиралар билан ёдга олишади. У ҳозир қаерда?
- Олег Шацких ҳозир оиласи билан Москва вилоятида яшамоқда. Спорт билан алоқадор эмас. Бошқа ишлар билан банд. Асосийси унда барчаси яхши. Бундан 30 йил аввал Наманганга айнан “Навбаҳор” – “Пахтакор” учрашувига келганимни эсладим. Ўшанда акамга қарши “Пахтакор” сафида раҳматли Николай Ширшов персонал ўйнаганди. Стандарт вазиятдан кейин акам боши билан гол урганди ва “Навбаҳор" 1:0 ҳисобида ютганди.
- Азиз Турғунбоевни алиштирдингиз. Бунга нима сабаб бўлди?
- Турғунбоевнинг бироз чарчаб қолганини сездик. У наманганлик эканини билардим. Бугун асосий таркибда тушиши шарт эди. Иккинчи бўлимда унинг ўрнига бошқа футболчи тушириш ва ҳужумни янада жонлантиришга ҳаракат қилдик. Кейинроқ схемани ўзгартиришга қарор қилдик. Сабаби, бизда схемаларимиз жуда кўп ва йигитлар бундан хабардор.
- Анчадан буён “Пахтакор” уч нафар марказий ҳимоячи билан ўйнамаганди. Бу айнан “Навбаҳор” билан ўйин учун танланган тактиками ёки кейин ҳам шундай ўйнайсизларми?
- Бундай тактикани ҳали кўп кўрасизлар. Жаҳонда 75-80 фоиз клублар уч нафар марказий ҳимоячи билан ўйнаяпти. Замонавий футболга мослашиб борамиз. Тактик тарафдан сюрпризлар мавсум давомида етарлича бўлади.
- Ўйин давомида тактик схемани ўзгартирдингиз. Бу орқали кубок учрашувидан олдин рақиб мураббийига сирларни очиб қўймадингизми?
- Йўқ, сирларни очмадик. Ҳали сирларимиз кўп. Бугун уларни албатта очмайман.
- Ўзбекистон кубоги баҳсида ҳам “Навбаҳор” билан ўйнайсизлар. Имкониятларни қанбай баҳолайсиз? Қуръа ёқдими ёки ёқмадими?
- Ростини айтаман, футболчилик пайтимда биронта қуръани кўрмаганман. Чемпионлар лигаси ёки кубокларни ҳам. Менга қачон ва қаерда ўйнашнинг умуман фарқи йўқ. Наманганда стадион тўлиб турса нима учун яна бу ерда ўйнамаслигимиз керак? Доим тўлиб тошган стадионда ўйнаш ёқимли. Уйдами ёки сафардами фарқи йўқ. 

Максим Шацких расми 1

- Бугунги натижадан қониқдингизми? Ҳар ҳолда “Навбаҳор”дан очко олдингиз...
- Биз очко олдик? Менинг фикримча, бугун биз икки очко йўқотдик. Балки “Навбаҳор” бир очко олгандир, буни билмайман.
- Бугун иккала жамоа ҳам вазиятлардан фойдаланишда оқсади. Сиз Киевнинг “Динамо” клубида тажриба орттиргансиз. Бугун жамоаларга нима етишмади деб ўйлайсиз?
- Нима етишмаяпти? Индивидуал маҳорат. Футболчиларга гол уришни ўргатиб бўлмайди. Бунда индивидуал маҳорат керак. Футболчи очилиши, зонани кенгайтириш ёки торайтиришга, рақибдан тўпни олиб қўйишни ўргатиш мумкин. Ҳозир мия ва қарорни қабул қилиш тезлиги футболда энг олий ўринда. Замонавий футбол шунга қараб кетмоқда. Улардан бири бўлмаса жиддий натижага эришиш жуда қийин.

“Навбаҳор” ПФК матбуот хизмати.