Рейтинг:  0 / 5

Аёллар футболи. Суперлига. 2-тур

“Навбаҳор” – W – АГМК – W – 2:8 (1:5)

Наманган. “Марказий” ўйингоҳ захира майдони.

Ҳакамлар: Ҳуснора Жумаева,Шоҳруҳ Қаюмов, Хайрулла Норматов, Исломжон Носиров.

Голлар: Н.Дадажонова (33, 50) – К.Зарипова (1,42, 44, 65),  Д.Федосенко (9, 45+4), Л.Рустуллаева (57), Н.Йўлдошева (87).

“Навбаҳор” – Women: 1. Ойгул Давлатова (29. Шаҳноза Каримова, 7), 7. Нилуфар Дадажонова, 9.Зарина Ходжаева (3.Шаҳноза Насриддинова, 46), 13. Мафтунахон Норбоева, 14.Зуҳрахон Абдураҳимова, 15.Муҳаррамхон Абдуллаева, 17.Муқаддам Абдуллаева, 19.Сарвиноз Комилжонова (23 Рухсора Охунова, 46), 21.Чиройгул Деҳқонова (25.Зарина Бобоева, 68), 27.Шоҳидахон Эргашева (8. Наргиза Абдурасулова, 18), 37. Гулнора Давронова.

АГМК – Women: 1.Алина Демьяненко,3. Дарина Федосенко, 7.Мардона Алматова (77. Ўғилой Холбоева,72), 8.Мадина Юсупова

(5.Динора Турғунова, 46), 9.Камила Зарипова (23.Лейла Ораниязова, 72), 10.Айнур Даулбаева, 14.Лейла Рустуллаева (4.Севинч Қўчқорова, 62), 17.Дилрабо Асадова, 18. Шоҳида Тожиддинова, 20. Ўғилой Илашева, 71. Зиёдахон Туланбаева (11. Нодира Йўлдошева, 62).

Огоҳлантиришлар: М.Абдуллаева (28) – А.Даулбаева (45+1), М.Ғиясова (61), К.Зарипова (68), Ш.Тожидинова (80).   

 Аёллар футболи бўйича Суперлига 2-туридан ўрин олган баҳсда Карима Юлдашева мураббийлик қилаётган “Навбаҳор” – Women жамоаси ўз майдонида Олмалиқнинг АГМК - Women  жамоасини қабул қилди.

Мазкур ўйинда дарвозаларга оз эмас, кўп эмас,нақ 10та гол урилди.

Бироқ ушбу голлардан 8таси олмалиқликлар ҳисобига ёзилди.

Таъкидлаш жоизки, Илҳом Ханжариев шогирдлари баҳснинг 1-бўлимидаёқ учрашув тақдирини ҳал қилиб қўйишганди, яъни Камила 

Зарипованинг “хет-трик”и ва Дарина Федосенконинг “дубл”и эвазига олмалиқликлар танаффусгача  ҳисобни 1:5 кўринишига келтириб қўйишганди.

Айтиш лозимки, меҳмонлар танаффусгача урилган 5та голнинг биттасини 11 метрли жарима зарбасидан уришди ҳамда ўша пенальти  Мадина Юсуповани мезбонлар ўз жарима майдончалари ичида йиқитишгани учун белгиланди. Ўн бир метрли жарима зарбасини эса Дарина Федосенко аниқ амалга ошириб, ўз “дубл”ини нишонлади ва жамоасининг танаффусга 5:1 ҳисобидаги ғалаба билан чиқиб кетишини таъминлади.

Иккинчи бўлимни фаол бошлаган майдон эгалари Нилуфар Дадажонованинг “дубл”идан сўнг, ҳисобдаги фарқни қисқартиришди- 2:5.

Аммо кейинчалик яна устунликни ўз қўлларига олган олмалиқликлар Лейла Рустуллаева, Камила Зарипова ва захирадан майдонга туширилган Нодира Юлдашеванинг голлари эвазига ҳисобни янада йириклаштириб, голлар “ёмғири”га айланган ўйинда 8:2 ҳисобида ғалаба қозонишди.

“Навбаҳор” ПФК матбуот хизмати.                                           

Рейтинг:  0 / 5

Хабарингиз бор, Coca Cola Суперлига 9-туридан ўрин олган баҳсда “Навбаҳор” ўз майдонида Навоийнинг “Қизилқум” жамоасини қабул қилади.

Жамоамиз мазкур ўйинга тайёргарликни 9 июлдан бошлади.

Coca Cola Суперлигасининг “Бунёдкор”га қарши кечган баҳсидан сўнг, бир кун дам олган “лочинлар” кечадан машғулотни давом эттиришди.

Кечаги машғулот “Марказий” ўйингоҳнинг захира майдонида бўлиб ўтди.

Машғулотни Андрей Канчельскис бошчилигидаги мураббийлар штаби олиб борди.

Машғулотларда футболчиларга куч-қувват тилаб қоламиз.

Эслатиб ўтамиз, “Навбаҳор” – “Қизилқум” ўйини 13 июль куни Наманган шаҳридаги “Марказий” ўйингоҳда соат 20:00да старт олади.

Бўлажак баҳсда Андрей Канчельскис шогирдларига омад ёр бўлишини тилаймиз.

“Навбаҳор” ПФК матбуот хизмати.         

Рейтинг:  0 / 5

Хабарингиз бор, U-19 ёшлар терма жамоалари ўртасидаги навбатдаги Осиё чемпионатига Ўзбекистон мезбонлик қилади.

Жорий йилнинг октябрь ойида ўтказиладиган мазкур қитъа биринчилигининг Саудия Арабистони, Австралия, Вьетнам ва Лаос терма жамоалари жойлашган  “С” гуруҳи ўйинлари Намангандаги “Навбаҳор” жамоаси уй учрашувларини ўтказадиган “Марказий” ўйингоҳда бўлиб ўтади.  

Бугун вилоятимиздаги стадионлар ҳамда меҳмонхоналарнинг U – 19 Осиё чемпионатига мувофиқлигини текшириш мақсадида, Ўзбекистон футбол ассоциацияси (ЎФА) мутахассислари – Аҳмед Тиллаев  ҳамда Ислом Рўзиевдан иборат делегация аъзолари Наманганга ташриф буюришди.

ЎФА вакиллари ташриф давомида Наманган шаҳридаги “Марказий” ўйингоҳ, “Баркамол авлод” спорт мажмуаси, Тўрақўрғондаги “Ёшлик” ва Уйчидаги “Пахтакор - 79” стадионлари, шунингдек, “Ахсикент”, “Ойдин Плаза”, “Шедевр Плаза” меҳмонларини кўздан кечиришди.  

Жумладан, “Марказий” ўйингоҳга ташриф чоғида ЎФА мутахассислари майдоннинг ҳолати билан танишиб, шунингдек, жамоаларнинг кийим алмаштириш, ҳакамлар ва назоратчилар, допинг – назорат, матбуот анжумани хоналарини текширишди ҳамда бу борада ижобий фикрлар билдиришди.

Шу тариқа ЎФА делегациясининг вилоятимизга ташрифи ўз якунига етди.

“Навбаҳор” ПФК матбуот хизмати.    

Рейтинг:  0 / 5

Хабарингиз бор, 13 июнь куни салкам уч ойлик танаффусдан кейин Суперлига ўйинлари давом эттирилди. Учрашувларни ёритиш истагида бўлган ОАВ ходимларига стадиондан  туриб, фаолият олиб боришларига рухсат берилди. Фақатгина Республика махсус комиссияси талабларига кўра, журналист ва фотомухбирлар сони чекланади.

Coca Cola Суперлиганинг 9-тур доирасидан ўрин олган баҳсда “Навбаҳор” 13  июль куни ўз майдонида Навоийнинг “Қизилқум” жамоасини қабул қилади.

Мазкур учрашувни бевосита стадиондан ёритиб боришни истаган ОАВ вакилларининг ўзлари ҳақидаги маълумотларни Этот адрес электронной почты защищён от спам-ботов. У вас должен быть включен JavaScript для просмотра. электрон почтасига жўнатишлари сўралади. Журналистларни рўйхатга олиш  11 июль, соат 14:00га қадар давом этади.

Эслатиб ўтамиз, “Навбаҳор” –  “Қизилқум” учрашувига фақатгина “Навбаҳор” матбуот хизматига хабар юборган ва ЎзПФЛ аккредитациясига эга бўлган ОАВ вакиллари рўйхат асосида киритилади.

ЎзПФЛ аккредитациясига эга бўлмаган ҳамда матбуот хизматига  хабар жўнатмаган журналистлар стадионга киритилмайди.  

ОАВ ходимларидан ўйин бошланишидан 30 дақиқа олдин стадионга келишлари ва санитария қоидалари, нормалари ҳамда гигиена нормативларига мувофиқ ҳолда, фаолият олиб боришлари сўралади.

“Навбаҳор”  ПФК матбуот хизмати.