Наманган футболи тарбияланувчиси, бир пайтлари Наманганнинг “Навбаҳор” клубида тўп сурган, сўнгги мавсумларни эса Тошкентнинг “Пахтакор” жамоасида сафида ўтказган 27 ёшли маҳоратли ярим ҳимоячи Азимжон Аҳмедов кўп йиллик танаффусдан кейин яна қадрдон клуби таркибига қайтди. У “лочинлар” билан 3 йиллик шартнома имзолади.

Хабарингиз бор, Азимжон машҳур футболчи, Хитойнинг “Шанхай СИПГ” ва миллий терма жамоамиз аъзоси Одил Аҳмедовнинг укаси. Азимжонга ҳам акаси Одил каби таниқли бўлишни ҳамда янги мавсумда ўз олдига юксак мақсадларни қўйган “Навбаҳор”нинг ғалабаларига муносиб ҳисса қўшишини тилаб қоламиз.

“Навбаҳор” ПФК матбуот хизмати.