Яқинда Францияда бокс бўйича нуфузли халқаро турнир ўтказилди. Унда ўзбек боксчилари ҳам муносиб иштирок этишди. Жумладан, Ўзбекистон терма жамоаси аъзоси бўлган наманганлик Шукурбек Раҳимов мазкур мусобақада ғолиб чиқиб, олтин медаль соҳибига айланди.
Шукурбек Раҳимов 1994 йили Наманган туманида туғилган. Дастлабки бокс сирларини Акрамжон Дедабаев ва Лочинбек Қўчқоровлардан ўрганган.
Наманган шаҳридаги олимпия захиралари коллежида таҳсил олган.
Куни кеча ушбу олимпия захиралари коллежида чемпион боксчи шарафига тантанали маросим ўтказилди. Шукурбек Раҳимов мазкур билим даргоҳи маъмурияти ва ўқувчилари билан учрашиб, Франциядаги халқаро турнир таассуротлари билан ўртоқлашди.
20 апрель куни Суперлига 7-тури доирасидаги “Навбаҳор” – “Бунёдкор” жамоалари ўртасидаги учрашувнинг (2:1) танаффус пайтида Наманган вилоят ҳокими, вилоят футбол ассоциацияси президенти Хайрулла Ҳайитбаевич Бозаров Шукурбек Раҳимовни Франциядаги зафар билан табриклаб, унга тўн кийгизди ҳамда махсус эсдалик совғалари топширди.
Шукурбек 2020 йили Япония пойтахти Токиода ўтказиладиган XXXII ёзги Олимпиада ўйинларига номзод боксчи саналади. Унга Олимпиада йўлланмасини қўлга киритиш насиб этишини ва бўлажак Олимпиадада юртимиз байроғини янада баланд кўтаришини тилаб қоламиз!
- Кўриш учун босинг! Кўриш учун босинг!
- Кўриш учун босинг! Кўриш учун босинг!
- Кўриш учун босинг! Кўриш учун босинг!
- Кўриш учун босинг! Кўриш учун босинг!
- Кўриш учун босинг! Кўриш учун босинг!
https://pfcnavbahor.uz/index.php/uz/yangiliklar/klub-yangiliklari/269-namangan-fakhri-b-lgan-shukurbek#sigProIdee9292ecc6
“Навбаҳор” ПФК матбуот хизмати.