Хабарингиз бор, Coca Cola Суперлигасининг 6-туридан ўрин олган “Металлург” – “Навбаҳор” жамоалари ўртасидаги баҳсда наманганликлар 3:1 ҳисобида ғалаба қозонишганди.
Мазкур учрашувдан сўнг “лочинлар”нинг етакчи футболчиси ва сардори Азимжон Аҳмедовдан championat.asia cайти мухбири интервью олди.
Қуйида жамоамиз сардорининг фикрларини эътиборингизга ҳавола этамиз.
- Мазкур беллашувга яхши тайёргарлик кўргандик. “Металлург” аввалги турларда жуда тартибли ҳамда ишончли ҳаракат қилаётганди. Шу боис, рақибни янада яхшироқ ўрганишга ҳаракат қилдик. Кучли ва кучсиз томонларини кўриб чиқдик. Биз ҳар бир турда ғалаба учун майдонга тушамиз.
Карантин бўлмаганда ҳам шундай муҳим очколарни қўлга кирита олардик, деб ўйлайман. Мен бунга ишонаман. Жорий мавсумда таркибимиздан яхши футболчилар ўрин олишган. Улар билан бирга ОЧЛ йўлланмасини қўлга киритишимизга аминман. Жамоадошларимнинг барчаси ўз ишини севади ҳамда меҳнат қилишдан қочмайди. Дўстларим билан фахрланаман. Ғалаба билан барча ишқибозларимизни табриклайман.
“Навбаҳор” ПФК матбуот хизмати.