Coca Cola Суперлига 6-туридан ўрин олган, Бекободда “Металлург” жамоасига қарши кечадиган баҳсга тайёргарлик кўраётган “Навбаҳор” аъзолари мазкур турга тайёргарлик доирасида, бугун Наманганда сўнгги машғулотни ўтказишди.
Бугунги машғулот “Марказий” ўйингоҳ майдонида, қувноқ кайфиятда ўтказилди.
Шундай кайфият футболчиларимизни Бекободдаги ўйиндан кейин ҳам тарк этмасин, илоҳим!
Андрей Канчельскис шогирдлари бугун кечки пайт енгил автомобилларда Тошкентга отланишди.
Жамоамиз аъзолари пойтахтимизга етиб бориб, меҳмонхонага жойлашишади.
Эртанги машғулот эса кечки пайт Бекободдаги “Металлург” стадионида ўтказилади.
Эслатиб ўтамиз, Coca Cola Суперлига 6-туридан ўрин олган “Металлург” – “Навбаҳор” баҳси 27 июнь куни соат 19:00да Бекободдаги “Металлург” стадионида ўтказилади.
Бўлажак ўйинда “лочинлар”га омад ёр бўлишини тилаймиз.
“Навбаҳор” ПФК матбуот хизмати.