Рейтинг:  0 / 5

10 октябрь. Ярим финал

Жанубий Корея – U - 19 – Ўзбекистон – U- 19 - 5:1

Ўзбекистон – U-19: Асадуллахон Полвонов, Саидазамат Мирсаидов, Одилбек Абдумажидов, Иброҳимхалил Йўлдошев, Ҳожимат Эркинов, Иброҳим Ибрагимов, Жасурбек Жалолиддинов, Суннатиллохон Ҳамиджонов, Руслан Розиев, Улуғбек Ҳошимов, Диёрбек Раҳимқулов.

Отабек Ғуломхўжаев мураббийлик қилаётган Ўзбекистон U-19 терма жамоаси Таиланддаги GSB Bangkok Cup мусобақасида иштирок этмоқда.

Мазкур турнирда, шунингдек, Жанубий Корея, Таиланд ва Вьетнам ёшлар терма жамоалари ғолиблик учун баҳс олиб боришмоқда. Мусобақа 2 та ўйин кунидан иборат бўлиб, ярим финалда ғолиб чиққан жамоалар чемпионлик учун, ярим финалда мағлуб бўлганлар эса 3-ўрин учун ўйинда майдонга тушишади.

Кеча Ўзбекистон U-19 терма жамоамиз Жанубий Корея U-19 термаси билан баҳс юритди ва 1:5 ҳисобида имкониятни бой бериб қўйди. Учрашувда вакилларимиздан  Жасур Жалолиддинов рақиб дарвозасини бир марта ишғол этишга муваффақ бўлди. 

Мазкур ўйинда “Навбаҳор” – U-21 ёшлар жамоаси дарвозабони Исломжон Абдуллахонов захирада қолдирилди.

“Навбаҳор” ПФК матбуот хизмати.     

Рейтинг:  0 / 5

Ўзбекистон – Яман - 5:0 (2:0)
10 октябрь. “Пахтакор” стадиони. 28571 томошабин.
Ҳакамлар: Ҳанна Ҳаттаб (Сурия), Муҳаммад Каззаз (Сурия), Айман Файзал Ҳамзе Обеидат (Иордания), Аҳмад Алали (Қувайт).
Назоратчи: Жассим Муҳаммад Ал Ҳаил (Қатар).
Комиссар: Меи Чиат Си (Малайзия). 

Голлар: Санжар Қодирқулов (2), Элдор Шомуродов (33), Жамшид Искандеров (53), Ислом Тўхтахўжаев (72), Игорь Сергеев (90).

Ўзбекистон: 1.Элдор Суюнов, 4.Фаррух Сайфиев (8.Икром Алибоев, 75), 5.Рустам Ашурматов, 20.Ислом Тўхтахўжаев, 3.Ҳожиакбар Алижонов, 13.Санжар Қодирқулов, 22.Жамшид Искандеров (9.Одил Аҳмедов, 57), 10.Жалолиддин Машарипов, 7.Отабек Шукуров, 17.Достонбек Ҳамдамов, 14.Элдор Шомуродов (21.Игорь Сергеев, 79).
Яман: 22.Салим Авад, 2.Ал Ҳамри, 4.Ал Радаеи (15.Муҳаммад Салим, 85), 5.Алаеддин Маҳди, 7.Аҳмад Ал Сарори, 9.Омар Ал Даҳи, 11.Абдулвасеа Ал Матари, 12.Аҳмад Маҳер (10.Ал Ворафи, 48), 16.Носир Ал Гахваши, 17.Муфед Жамол, 20.Эмад Мансур (3.Фуад Омар, 71).
Огоҳлантиришлар: Отабек Шукуров (76) – Ал Ворафи (56).

Ўзбекистон миллий терма жамоаси ЖЧ-2022 саралаши доирасида Яман билан баҳс юритди ва қизиқарли ҳамда голларга бой тарзда кечган ўйинда рақибни 5та тўп фарқи билан мағлубиятга учратди.
Бу орқали миллий жамоамиз мазкур саралаш босқичидаги илк ғалабасини тантана қилди. 

“Навбаҳор” ПФК матбуот хизмати.  

Рейтинг:  0 / 5

Ўзбекистон футбол ассоциацияси ҳузуридаги Қорақалпоғистон Республикаси, вилоятлар ва Тошкент шаҳар болалар-ўсмирлар футбол академияларининг 2005, 2004, 2003, 2002 йилда туғилган тарбияланувчилари ўртасида Ўзбекистон чемпионатининг финал босқичи Тошкент шаҳрида, Ўзбекистон футбол ассоциациясининг сунъий қопламали футбол майдонида бўлиб ўтмоқда.

Жорий йилнинг 1-5 октябрь кунлари 2005 йил тарбияланувчилари ўртасида ўтказилган мусобақада Наманган вилоят болалар-ўсмирлар футбол академияси футболчилари фахрли 3-ўринни қўлга киритишди.

Шу муносабат билан бугун Наманган шаҳридаги 56-сонли умумтаълим мактабида мазкур жамоа аъзоларини тақдирлаш маросими бўлиб ўтди.

Унда Наманган вилоят Жисмоний тарбия ва спорт бошқармаси бошлиғи Шокиржон Қорабаев, Наманган вилоят футбол ассоциацияси 1-вице-президенти Шуҳрат Мирхолдиршоев, Наманган вилоят вилоят болалар-ўсмирлар футбол академияси директори Ғанишер Исмоилов ҳамда 56-мактаб директори Дилмурод Юсуфахунов, шунингдек, мазкур мактаб маъмурияти ва ўқитувчилари иштирок этишди.

Совриндор футболчилар ҳамда уларнинг мураббийларига бронза медаллари ва фахрий ёрлиқларни Шокиржон Қорабоев, Шуҳрат Мирхолдиршоев, Ғанишер Исмоилов ҳамда Дилмурод Юсуфахунов тантанали равишда топширишди.

Шунингдек, футболчиларга кейинги мусобақаларда омад ёр бўлиши ва бундан-да юксакроқ натижаларга эришишларига тилак билдирилди.

“Навбаҳор” ПФК матбуот хизмати.                   

Рейтинг:  0 / 5

У қишда жамоасини ўзгартириши мумкин.

Туриннинг "Ювентус" клуби "Байер" чап қанот ҳимоячиси Венделлани ўз сафига қўшиб олмоқчи. Бу ҳақда Calciomercato нашри хабар тарқатмоқда.

Юқоридаги манбаага кўра “кекса синьора” 26 ёшли бразилиялик футболчини Чемпионлар лигаси доирасида 1 октябрь ва 11 декабрда “доришунослар”га қарши бўлиб ўтадиган ўзаро ўйинларда яхшилаб кузатишмоқчи. Агар у “Юве” скаутларида яхши таассурот қолдирса, туринликлар уни қишки трансферлар даврида сотиб олишмоқчи.

Маълумот учун, Венделла “Байер” сафида 2014 йилдан буён тўп суриб келмоқда. Унинг трансфери эса 20 млн еврога баҳоланмоқда.