Рейтинг:  0 / 5

Осиё Кубоги-2019.

“F” гуруҳи, 2-тур.

Туркманистон – Ўзбекистон - 0:4 (0:4)

Голлар: Жавоҳир Сидиқов (17), Элдор Шомуродов ( 24, 42), Жалолиддин Машарипов ( 40). 

Туркманистон: Мамед Оразмуҳамедов, Зафар Бабажанов, Мекан Сапаров, Илясов Везиргелди, Гурбангелди Ботиров, Арсланмурат Аманов (Михаил Титов, 65), Руслан Мингазов, Воҳит Оразсаҳедов (Алтимурат Аннадурдиев, 45), Сердар Аннаоразов, Аҳмет Атаев (Мурат Аннаев, 44), Ресул Ҳожаев. 

Ўзбекистон: Игнатий Нестеров, Акмал Шораҳмедов (Даврон Ҳошимов, 46), Анзур Исмоилов, Одил Аҳмедов (Фозил Мусаев, 76), Жалолиддин Машарипов, Олег Зотеев, Элдор Шомуродов, Достонбек Ҳамдамов, Отабек Шукуров, Ислом Тўхтаҳўжаев, Жавоҳир Сидиқов (Икромжон Алибоев, 68). 

Огоҳлантириш: Анзур Исмоилов (71).

 Осиё кубоги-2019 гуруҳ босқичи 2-турида Ўзбекистон миллий терма жамоаси ён қўшнимиз – Туркманистон термасига қарши баҳс юритди.

Қизиқарли ва томошабоп тарзда кечган беллашувда вакилларимиз тўлиқ ташаббусга эга бўлишди ҳамда рақиб дарвозасини жавобсиз 4 марта ишғол этишга муваффақ бўлишди. Дастлаб 17-дақиқада Жавоҳир Сидиқов рақиб дарвозасини ишғол этган бўлса, Жалолиддин Машарипов 40-дақиқада ўзини кўрсатишга муваффақ бўлди. Элдор Шомуродов эса 24 ва 42-дақиқаларда гол киритиб, “дубль” қайд этишга эришди.

Ушбу ўйинда ўтган мавсумда Наманганнинг “Навбаҳор” клуби шарафини ҳимоя қилган тажрибали ҳимоячи Даврон Ҳошимов Акмал Шораҳмедовнинг ўрнига 46-дақиқада майдонга туширилган бўлса, ярим ҳимоячи Азизбек Турғунбоев захира ўриндиғида қолдирилди.   

Йирик – 4:0 ҳисоби ўйин якунигача сақланиб қолди ва натижада Ўзбекистон миллий терма жамоаси кейинги босқич масаласини муддатидан олдин ҳал этди. 

Манба:ufa.uz. 

Рейтинг:  0 / 5

Ўзбекистон МТЖ бош мураббийи Эктор Купер Осиё Кубогидан ўрин олган Уммонга қарши ўйиндан кейин ўз фикрларини билдириб ўтди.

• Уммон бугун кучли ўйин намойиш қилди. Биз кўп вазиятларда тўпни рақибдан олиб қўйишга қийналдик. Бугун икки хил бўлим ўтказдик.Биринчи бўлимда яхши ҳаракат қилгандик. Аммо иккинчи бўлимда биз устунликни рақибга бериб қўйдик. Уммон ўйинни назорат қилишга муваффақ бўлди. Биз ҳудудларни ёпишга қийналдик, рақибимиз бундан унумли фойдаланди. Лекин ҳисоб тенглашгандан кейин ҳам ғалаба қозонишимизга ишонч бор эди, менда. Осиё Кубогини ғалаба билан бошлаганимиздан хурсандман.

Терма жамоа аъзолари жисмоний жиҳатдан яхши формадалар. Шунчаки бугун биринчи баҳс бўлгани учун бироз асабийлашдилар. Биз Уммонга қарши кечган учрашувда тўпни назорат қила олмаганимиз учун ҳам кўп югуришга, кўп куч йўқотишга мажбур бўлдик. Кейинги ўйинларда бу хатоларимизни тўғрилашга ҳаракат қиламиз. 

Тўп киритилган вазиятда икки футболчи аъло даражада ҳаракат қилди. Лекин мен ҳар доим жамоавий ўйинга эътибор қаратаман. Футболчиларга алоҳида баҳо бермайман. Ютса бутун жамоа ютади. Баъзи футболчиларни олдимга чақириб, уларга алоҳида кўрсатма беришим мумкин, лекин доимо уларни бир жамоа бўлиб ҳаракат қилишга чақираман, - деди Купер.

Манба: ufa.uz.

Рейтинг:  0 / 5

Осиё Кубоги - 2019.

“F” гуруҳи, 1-тур

Ўзбекистон – Уммон - 2:1 (1:0)

“Шаржа” ўйингоҳи. 

Ҳакам: Ким Донг Жин (Жанубий Корея).

Голлар: Одил Аҳмедов ( 33), Элдор Шомуродов (85) -  Муҳсин ал Ҳассаний (78).

Ўзбекистон МТЖ: 1.Игнатий Нестеров, 2.Акмал Шораҳмедов, 5.Анзур Исмоилов, 7.Сардор Рашидов (17.Достонбек Ҳамдамов, 59),  9.Одил Аҳмедов, 10.Марат Бикмаев (14.Элдор Шомуродов, 82), 11.Жалолиддин Машарипов (8.Икром Алибоев, 79), 13.Олег Зотеев, 15.Егор Кримец, 19.Отабек Шукуров, 22.Жавоҳир Сидиқов.

Уммон МТЖ: 18.Файз ал Рушайди, 2.Муҳаммад ал Мусаллами, 6.Раед Солиҳ, 7.Холид ал Ҳажри (16.Муҳсин ал Ҳассани, 67), 10.Муҳсин ал Халди, 11.Саад ал Муҳайни, 12.Аҳмад Кану, 13.Холид ал Брайки, 15.Жамол ал Аҳмади (9.Муҳаммад ал Ҳассаний, 88), 17.Али ал Бусайди, 23.Ҳабиб ал Сади.

Огоҳлантиришлар: Ж.Машарипов (29), И.Нестеров (58).

Четлатиш: Е.Кримец (90+2).

БААдаги Осиё Кубоги мусобақасида иштирок этаётган Ўзбекистон миллий терма жамоаси 9 январь куни мазкур турнирдаги илк ўйинни Уммон терма жамоасига қарши ўтказиб, 2:1 ҳисобида ғалаба қозонди.  

Учрашувнинг 33-дақиқасида миллий терма жамоамиз сардори Одил Аҳмедов рақиб дарвозасидан чамаси 20 метр узоқликдан белгиланган жарима зарбасини ажойиб тарзда амалга ошириб, ҳисобни очишга муваффақ бўлди ва вакилларимиз танаффусга 1:0 ҳисобидаги ғалаба билан чиқиб кетишди.

Иккинчи бўлимни фаол бошлаган уммонликлар кетма-кет ҳужумлар уюштириб, 78-дақиқада мувозанатни тиклашди – 1:1.

Вазиятни ўнглашга интилган терма жамоамиз бош мураббийи Эктор Купер таркибдаги бир қатор ўзгаришларни амалга оширди ва бу 85-дақиқада ўз мевасини берди. Захирадан майдонга туширилган Элдор Шомуродов уммонликлар дарвозасини ишғол этиб, миллий терма жамоамизга ғалаба келтирган голга муаллифлик қилди – 2:1.

Мазкур ўйинда Наманганнинг “Навбаҳор” жамоаси ярим ҳимоячиси Азизбек Турғунбоев ҳамда ўтган мавсумда “лочинлар” шарафини ҳимоя қилган ҳимоячи Даврон Ҳошимовлар захирада қолдирилишди.   

Шу тариқа вакилларимиз БААдаги мусобақани омадли тарзда бошлаб, 3 очкога эга бўлишди.

Бош жамоамиз ўз гуруҳидаги иккинчи учрашувни 13 январь куни Туркманистон терма жамоасига қарши ўтказади. Баҳс Дубай шаҳрида бўлиб ўтади.

“Навбаҳор” ПФК матбуот хизмати.

Рейтинг:  0 / 5

Бугун Шаржа шаҳрида Ўзбекистон - Уммон терма жамоалари ўртасидаги учрашувдан олдин матбуот анжумани бўлиб ўтди. Унда терма жамоамиз бош мураббийи Эктор Купер ва жамоа сардори Одил Аҳмедов қатнашишди.

Дастлаб, Эктор Купер эртанги ўйин ҳақида ўз фикрларини билдириб ўтди.

• Биз Осиё Кубогига тайёрмиз. Нафақат эртанги ўйинга, балки бутун мусобақага жиддий тайёргарлик кўрдик. Биз ижобий натижага эришиш учун астойдил ҳаракат қиламиз. Ҳар икки жамоа ғалаба учун майдонга тушиши аниқ. Уммон ҳам анойи жамоа эмас. Майдонда боримизни бериб тўп сурамиз. Барчаси майдонда ҳал бўлади.

Футболда натижани олдиндан айтиш қийин. Шуниси билан бу спорт тури қизиқ. Мусобақага тайёргарлик давомида биз декабрь ойида ўртоқлик учрашуви ўтказмадик. Аммо бу мени ташвишга солмаяпти. Биз етарлича тайёргарлик кўрдик. Жароҳатлар олдини олиш мақсадида ҳам ўртоқлик ўйинлари ўтказмадик. 

Терма жамоани қабул қилиб олганимга кўп бўлмади. Аммо ўтган вақт давомида максимал тарзда жамоани шакллантиришга ҳаракат қилдик. Энди ўзимизни кўрсатишимиз керак. Осиё Кубоги бунинг учун яхши имконият, - деди Купер.

Шундан кейин терма жамоамиз сардори Одил Аҳмедов ўз фикрларини билдириб ўтди.

• Уммон терма жамоаси дарвозабони Али ал-Ҳабсий жароҳати туфайли мусобақани ўтказиб юбориши аниқ бўлди. Бу Уммон учун катта йўқотиш. Мен Ал-Ҳабсини яхши танийман. Унинг майдонга тушмаслиги бизга ёрдам бериши мумкин.

Таркибдаги футболчилар жисмоний жиҳатдан ўйинга тайёрлар. Ким тўп билан кўпроқ муомала қилса, ўша ғалаба қозонади. Биз жисмонан яхши тайёргарлик кўрдик, деб ҳисоблайман, - деди Аҳмедов.

Биз эртага ўтказиладиган баҳсда миллий терма жамоамизга омад ёр бўлиши ва ғалаба қозонишларини тилаймиз.

Манба:ufa.uz.