Рейтинг:  0 / 5

Хабарингиз бор, жорий йилдан эътиборан миллий чемпионатимиз учрашувларида VAR тизимидан фойдаланилмоқда.

Coca-Cola Суперлига-2021 1-тури доирасидан ўрин олган “Насаф” – “Пахтакор” ўйини миллий чемпионатимиз юқори дивизионида Video Assistant Referee тизими ишлаган дастлабки учрашув сифатида тарихдан ўрин олди. Шунингдек, 2-тур доирасидаги “Локомотив” – “Навбаҳор” ҳамда 3-турдаги “Турон” – “Локомотив”, “Навбаҳор” – “Насаф” ва “Бунёдкор” – “Андижон” баҳсларида ҳам VAR тизими мутахассислари иш олиб борди. Ҳозирга қадар ортда қолган 3 та тур давомида 5 та ўйинда VAR фаолият кўрсатди. 

Учрашувлар давомида VARга мурожаат қилган ҳолда, бош ҳакамлар майдонда 4 бора VAR мониторида вазиятларни кузатишди. Кузатишга кетган вақт 1-бўлимлар давомида ўртача 60 сонияни, 2-бўлимларда эса ўртача 89 сонияни ташкил қилди.

5 та учрашув давомида жами 32 та жарима майдони ичидаги хавфли вазиятлар VAR томонидан текширилди. Қолаверса, 15 та эҳтимолий қизил карточкали ҳолатлар ҳам текшириб кўрилди. Битта ўйинда эҳтимолий қизил карточкалар текшируви ўртача 3 тани ташкил этди. 

VAR тизими ишлаган учрашувлар:

Coca-Cola Суперлига. 1-тур

Насаф – Пахтакор

Coca-Cola Суперлига. 2-тур

Локомотив – Навбаҳор

Coca-Cola Суперлига. 3-тур

Турон – Локомотив

Навбаҳор – Насаф

Бунёдкор – Андижон 

Манба: pfl.uz. 

Рейтинг:  0 / 5

Ўзбекистон Суперкубоги-2021

6 март, шанба

“Пахтакор” – “Насаф” - 1:0 (0:0)

Самарқанд. “Динамо” стадиони. 5165 томошабин.

Хакамлар: Вадим Агишев, Руслан Серазитдинов, Тимур Гайнулин, Раҳим Каримов.

Назоратчи: Бобур Ҳайдаров.

Комиссар: Жаҳонгир Раҳматуллаев.

Гол: Драган Черан (50).

“Пахтакор”: Санжар Қувватов, Ҳожиакбар Алижонов, Анзур Исмоилов, Сардор Рашидов,  Азизбек Турғунбоев (Ҳожимат Эркинов, 90+4), Эрен Дердийок (Шароф Муҳитдинов, 79), Драган Черан, Егор Кримец, Аброрбек Исмоилов, Сардор Собирхўжаев (Шерзод Темиров, 87), Фаррух Сайфиев.

“Насаф”: Абдувоҳид Неъматов, Ҳусниддин Алиқулов, Ғолиб  Ғайбуллаев (Жўрабек Маннонов, 60), Мурод Хўжамбердиев (Шоҳмалик Комилов, 78), Ҳусайн Норчаев, Суҳроб Нуруллоев (Шокир Йўлдошев, 46), Акмал Мозговой, Шерзод Насруллаев, Ойбек Бозоров, Марко Станоевич, Умар Эшмуродов.

Огоҳлантиришлар: С.Нуруллоев (12), Ҳ.Алиқулов (71, иккаласи “Насаф”). 

 Бугун Самарқанддаги “Динамо” стадионида Ўзбекистон Суперкубоги ўйини ўтказилди. Унда ўтган мавсум чемпиони ва Ўзбекистон кубоги соҳиби “Пахтакор” 2020 йилги вице-чемпион “Насаф”га қарши майдонга тушди.

Таъкидлаш жоизки, учрашув кескин курашлар остида кечди ҳамда ҳар икки  жамоада бир қатор  имкониятлар юзага келди.

Ўйин тақдирини эса 50-дақиқада урилган ягона гол ҳал этди. Тўп киритилган вазиятда тажрибали ҳимоячи Фаррух Сайфиевнинг чап қанотдан жарима майдончаси ичига оширган тўпини “Пахтакор”нинг сербиялик ярим ҳимоячиси Драган Черан дарвозага аниқ йўллади – 1:0. 

Гарчи учрашув якунига қадар қаршиликлар мувозанатни тиклаш, пойтахтликлар эса ҳисобдаги фарқни оширишга интилишган бўлса-да, бунинг уддасидан чиқа олишмади.

Натижада “Пахтакор” ўз тарихида илк марта Ўзбекистон Суперкубоги соҳибига айланди. 

Таъкидлаш жоизки, “Навбаҳор”нинг собиқ футболчиси, янги мавсумда “шерлар” шарафини ҳимоя қиладиган Азизбек Турғунбоев янги жамоасида илк совринни қўлга киритди.  

“Навбаҳор” ПФК матбуот хизмати.    

Рейтинг:  0 / 5

Бугун Ўзбекистон Профессионал футбол лигаси томонидан Суперлига ҳамда Про-лига иштирокчи клублари медиа ва маркетинг бўлимлари вакиллари учун махсус семинар ташкил этилди. 

Айни пайтда мамлакат чемпионати ҳамда кубоги беллашувлари натижалари ва ўйин атрофидаги воқеалар ҳақида батафсил маълумот бериш, ишқибозларни севимли жамоалари ҳаётига оид янгиликлардан ҳамиша тезкорлик билан бохабар этиб боришда клублар матбуот хизматларининг ўрни беқиёс, албатта. Қолаверса, клубнинг ҳомий ҳамда ҳамкор ташкилотлар билан яқиндан алоқаларни йўлга қўйиши, рекламалар орқали маблағ ишлаб топишида эса маркетинг бўлими вакиллари хизматини алоҳида қайд этиш лозим. Мазкур икки йўналиш ҳар бир клуб фаолиятида жуда муҳим ўрин тутади. Зеро клуб имиджини шакллантиришда ушбу икки бўлим ўзаро чамбарчас боғлиқ тарзда иш олиб боради. 

Ўзбекистон Профессионал футбол лигаси янги мавсум олдидан матбуот котиблари ва маркетологлар учун семинар ташкил этди. Унда мавжуд ютуқ ва камчиликлар, янги мавсум режалари, ўзаро ҳамкорликда амалга ошириладиган лойиҳалар муҳокама этилди. Ортда қолган 2020 йилда қайси клублар ушбу йўналишларда фаол ва самарали ишлагани, қайси клублар эса аксинча бироз қониқарсиз фаолият олиб боргани ўрганилди ва ўша камчиликларни бартараф этиш бўйича таклифлар берилди. 

Манба:pfl.uz.

Рейтинг:  0 / 5

Ўзбекистон футбол ассоциацияси Осиё футбол конфедерацияси билан йирик халқаро турнирларга мезбонлик қилиш бўйича ҳамкорликни давом эттирмоқда.

Хабарингиз бор, ЎФА 2022 йилги U23 Осиё кубогини Ўзбекистонда қабул қилиш бўйича ОФКга сўровнома юборган эди. ЎФА мутахассислари мазкур чемпионатни мамлакатимизда ўтказиш бўйича тендер жараёнига доир зарурий ҳужжатларни ОФК вакилларига тақдим этди ва кўплаб музокараларни олиб борди.

Натижада Осиё футбол конфедерацияси U23 Осиё кубоги-2022 беллашувларини юртимиз яшил майдонларида бўлиб ўтишига розилик билдирди.

2013 йилдан буён ташкил этиб келинаётган ушбу мусобақада ҳозирга қадар Ўзбекистон, Жанубий Корея, Япония ва Ироқ U23 терма жамоалари бош совринни қўлга киритган.

Манба: ufa.uz