Муҳтарам Президентимиз Шавкат Мирзиёевнинг қатор фармонларига мувофиқ, мустақиллигимизнинг 29 йиллиги арафасида бир гуруҳ юртдошларимиз фахрий унвонлар, орден ва медаллар билан тақдирланган эди.

Бугун, 28 декабрь куни Кўксаройда мукофотларни топшириш маросими бўлиб ўтди. Бу ҳақда president.uz. сайти хабар берди.

Биз учун қувончлиси, мукофотланганлар орасида ўзбек футболи фахри, миллий терма жамоамиз сардори, наманганлик Одил Аҳмедов ҳам бор. Аҳмедовга "Ўзбекистон Республикасида хизмат кўрсатган спортчи" фахрий унвони топширилди.

Биз ушбу мукофот билан Одил Аҳмедовни табриклаб,  футболчилик фаолиятида омад ёр бўлишини тилаймиз.

“Навбаҳор” ПФК матбуот хизмати.