Ўзбекистон кубоги. Финал
“Пахтакор” - АГМК - 3:0 (1:0)
26 октябрь. Тошкент. “Локомотив” стадиони. 7185 томошабин.
Ҳакамлар: Шерзод Қосимов (Тошкент), Абдуҳамидулло Расулов (Тошкент), Жаҳонгир Саидов (Тошкент), Жасур Мухторов (Тошкент).
Назоратчи: Рашид Айтеков (Тошкент).
Комиссар: Александр Давиденко.
Голлар: Д.Черан (31, 61-пен.,77).
“Пахтакор”: 25.Элдорбек Суюнов, 3.Ҳожиакбар Алижонов, 9.Жалолиддин Машарипов, 10.Драган Черан, 11.Игорь Сергеев (21.Марат Бикмаев, 80), 17.Достон Ҳамдамов, 20.Одилбек Ҳамробеков, 23.Шерзод Аъзамов, 27.Сардор Собирхўжаев (15.Егор Кримец, 89), 34.Фаррух Сайфиев (29.Владимир Козак, 86), 55.Марко Симич.
АГМК: 32.Суҳроб Султонов, 3.Эркин Байдуллаев, 4.Миржамол Қосимов (30.Жасур Умаров, 46), 5.Дилшод Жўраев, 7.Элгужа Григалашвили (8.Санъат Шихов, 63), 17.Мурод Тошматов, 23.Акмал Шораҳмедов, 31.Сайдулло Раҳматов, 33.Сардор Раҳмонов, 44.Бобур Йўлдошев, 99.Шаҳзод Нурматов (15.Жасур Ҳакимов, 74).
Огоҳлантиришлар: Ф.Сайфиев (73), Ҳ.Алижонов (79) – А.Шораҳмедов (73).
Бугун Тошкентдаги “Локомотив” стадионида 2019 йилги Coca Cola Ўзбекистон кубогининг финал баҳси ўтказилди. Унда Тошкентнинг “Пахтакор” ва Олмалиқнинг АГМК жамоалари ўзаро куч синашишди. Ушбу ўйинда Шота Арвеладзе шогирдлари йирик – 3:0 ҳисобида ғалаба қозонишди.
Эътиборлиси, пойтахтликларнинг барча голларига “шерлар”нинг сербиялик ҳужумкор ярим ҳимоячиси Драган Черан муаллифлик қилиб, мазкур учрашувда ўз “хет-трик”ини нишонлади.
Қайд этиш жоизки, Черан 2-тўпини жамоадоши Жалолиддин Машариповга нисбатан Акмал Шораҳмедов томонидан жарима майдончаси ичида қилинган қўполлик учун белгиланган 11 метрли жарима зарбасидан киритди.
Ушбу баҳсда олмалиқлар ҳам рақибга муносиб қаршилик кўрсатишга интилишди. Аммо якунда тажриба барибир ўз сўзини айтиб, “шерлар”
12-чемпионлик ортидан ўз ютуқлари коллекциясига 12-Ўзбекистон кубогини ҳам қўшиб қўйишди.
Биз ушбу муваффақият билан “Пахтакор” клубини табриклаймиз ҳамда келаси йилги Осиё Чемпионлари Лигаси ўйинларида юртимиз шарафини муносиб ҳимоя қилишини тилаб қоламиз.
“Навбаҳор” ПФК матбуот хизмати.
