Лондоннинг “Челси” клуби ўзига харидор бўлган 3та тараф билан музокара ўтказди.
Daily Mail нашрининг хабар беришича, Лондоннинг мазкур жамоаси 2,5 млрд. фунтга сотилиши мумкин. Тахмин килинишича, АҚШ ва Осиёнинг молиявий гуруҳлари “Челси”га қизиқиш билдиришмоқда ва мазкур таниқли клубни сотиб олишмоқчи. “Аристократлар”га Буюк Британиянинг энг бадавлат кишиси Жим Рэтклифф ҳам қизиқмоқда, лекин у ҳозирча бундай катта миқдордаги маблағни тўлашга тайёр эмас.
“Челси”нинг айни пайтдаги хўжайини Роман Абрамович, мабодо клуб сотиладиган бўлса, ундан 1,25 млрд. фунтни ўзига олмоқчи.
Эслатиб ўтамиз, Абрамович “аристократлар”нинг ўйинларига 2018 йилнинг май ойидан буён, унга виза бериш рад этилган сабабли, ташриф буюрмаяпти. 53 ёшли рус миллиардери кейинчалик Исроил фуқаролигини олиб, Тель-Авивга кўчиб кетди.
“Навбаҳор” ПФК матбуот хизмати.