pfcnavbahor.uz "Навбаҳор" профессионал футбол клубининг расмий сайти
Футболчилар таништирилди
12.08.2015 18:41

Бундан бироз вақт олдин Намангандаги “Навбаҳор” ўйингоҳида давралар оралиғида “Навбаҳор” жамоаси сафидан ўрин олган янги футболчиларни таништирув маросими бўлиб ўтди. Жамоа аъзолари иккинчи даврага тайёргарликни Тошкентда олиб боришгани ва дастлабки икки ўйин сафарда ўтказилганлиги сабабли, таништирув маросими иккинчи давра арафасида ўтказишни имкони юзага келмаганди. Тақдимот маросимида клуб президенти Т.Дадабаев, “Навбаҳор” футбол клуби вице-президенти Р.Низамбаев, клуб директори Ғ.Исмаилов, жамоа бош мураббийи Бахтиёр Ашурматов, жамоа футболчилари А.Ортиқов, Қ.Маҳаммаджанов, А.Раҳматуллаев, Д.Исоқов, жамоа мухлислари ва ОАВ вакиллари иштирок этишди. 
Давралар оралиғида жамоа таркибида у қадар катта ўзгаришлар рўй бермаганлигини айтиб ўтиш жоиз. Хабарингиз бўлса, дастлабки даврадан кейин жамоада тўп сурган хорижлик футболчилар билан дўстона руҳда хайрлашилди. Шунингдек, жамоамиздан кетишни истаган футболчиларга ҳам жавоб берилди. Умумий ҳисобда асосий таркибнинг олти нафар футболчиси «Навбаҳор»дан кетди. Уларнинг ўрнини эса имкон қадар маҳаллий футболчилар ҳисобига тўлдиришга ҳаракат қилинди. Хусусан, биринчи лига вакили «Хотира-79» жамоасига ижарага берилган Ботир Тўрабоев, Ғайрат Жўраевлар «Навбаҳор»га қайтарилди. Бундан ташқари «Қўқон-1912» клубига ижарага берилган Қаҳрамон Маҳаммаджонов ҳам ортга қайтди. «Олмалиқ»дан маҳаллий дарвозабон Акмал Ортиқовни жалб этган бўлсак, «Косонсой» жамоаси сафида тўпурарлик маҳоратини намойиш этган ҳужумчи Даврон Исоқовни ҳам таркибимизга қўшиб олдик. «Бухоро»дан эса маҳоратли ярим ҳимоячи Алибобо Раҳматуллаевни чақирилди.
Биринчи даврада жамоамизга ёрдам бера олмаган ҳимоячи Тоҳир Шамситдиновга қўлланган жазони ҳам енгилаштиришга муваффақ бўлдик. ЎФФ раҳбариятига юборган илтимосномамиз қондирилиб, Тоҳирни майдонга тушишига рухсат беришди. Жароҳат олган Раҳматилло Бердимуродов ҳам жароҳатдан қутулиб сафга қайтди. Мураббийлар штабига эса мамлакатимизнинг тажрибали мутахассисларидан бири Александр Волков таклиф этилди. Ушбу мураббийни жамоамизда бўлиши ҳам иккинчи даврадаги натижаларни ижобий кўриниш олишига замин яратади деган умиддамиз.
Тақдимот маросими давомида футболчиларга “Навбаҳор” либослари тантанали равишда топширилди. Хусусан дарвозабон Акмал Ортиқовга 87-рақамли, ҳимоячи Қаҳрамон Маҳаммаджоновга 26-рақамли, ярим ҳимоячи Алибобо Раҳматуллаевга 70-рақамли, ҳужумчи Даврон Исоқовга эса 18-рақамли футболкалар топширилди. Ботир Тўрабоев ва Ғайрат Жўраевлар мавсум бошида жамоа сафида бўлганликлари учун маросимда иштирок этишмади. Шундан сўнг, ҳар тўрт нафар футболчи майдонга чиқиб, ўйингоҳга йиғилганларга тўп билан ишлаш борасидаги маҳоратларини намойиш этишди.
Маросим якунида ўйингоҳга йиғилган мухлислар жамоа бош мураббийи Бахтиёр Ашурматовга мурожаат қилиб ўзларини қизиқтирган саволларига жавоб олишди. Шундан сўнг, мухлислар жамоанинг навбатдаги машғулотини томоша қилиш имконига эга бўлишди.

 

Навбатдаги учрашув

Олий лига, 16- тур

05.08.2017


Ўтган ўйинлар

25/06 Насаф - Навбаҳор - 4:0

20/06 Навбаҳор - Олмалиқ 1:1

14/06 Сўғдиёна - Навбаҳор 2:1

27/05 Навбаҳор - Бунёдкор 1:1

18/05 Бухоро - Навбаҳор 3:3

 

 

 

Турнир жадвали

№ Жамоа

Ў

Ю

О

1. Локомотив

14

10

32

2. Қўқон-1912

15

7

27

3. Насаф

14

8

26

4. Олмалиқ

15

6

24

5. Пахтакор

15

7

24

6. Бухоро

15

7

23

7. Металлург

14

6

20

8. Машъал

15

5

20

9. Қизилқум

15

5

20

10. Динамо

15

5

19

11. Навбахор

15

4

19

12. Бунёдкор

14

4

18

13. Сўғдиёна

15

5

17

14. Шўртан

15

5

15

15. Нефтчи

15

2

11

16. Обод

15

2

9

Олий лига-2017

05/08 "Обод" - "Навбаҳор"

05/08 "Динамо" - "Металлург"

05/08 "Нефтчи" - "Шўртан"

05/08 "Олмалиқ" - "Бухоро"

06/08 "Қизилқум" - "Пахтакор"

06/08 "Насаф" - "Қўқон-1912"

06/08 "Сўғдиёна" - "Бунёдкор"

07/08 "Локомотив" - "Машъал"



Мактублар почтаси

Мактублар почтасидан фойдаланиш учун сайтга киринг ёки регистрациядан ўтинг!

Авторизация

FAQ

ПАНЕЛЬ
ПАНЕЛЬ