pfcnavbahor.uz "Навбаҳор" профессионал футбол клубининг расмий сайти
Иккинчи даврани дуранг билан бошладик
03.08.2015 20:35

Олий лига 16- тур беллашувлари доирасида "Навбаҳор" бугун "Машъал" меҳмони бўлди. Муборакда кечган жанговор ўйинда ғолиб аниқланмади. Икки тўп фарқи билан ҳисобда ортда борган майдон эгалари учрашув охирида мағлубиятдан қутулиб қолишди.
Биринчи бўлимда вазиятлардан унумли фойдаланиш бўйича устунлик вакилларимиз томонида бўлди. 9- дақиқада Алишер Маҳмудов Эркиновнинг узатган тўпини дарвозага жойлаб, ҳисобни очди. Тайм ўрталарига келиб Шаҳбознинг ўзи ҳам ўз номига гол ёздириб қўйишга муваффақ бўлди. Аммо, мезбонлар 0:2 ҳисобидан сўнг саросимага тушишмади. Аксинча муборакликлар ҳужумкорликни ошириб, 39- дақиқада ҳисобни қисқартиришни уддасидан чиқишди. Танаффусга жамоалар 1:2 ҳисобида йўл олишди.
Учрашувнинг иккинчи ярмида "Машъал" вазиятни ўнглаш илинжида босимни кучайтиришди. Зафар Тўраев ва Зоҳир Қўзибоев кетма-кет икки вазиятда жуда ҳам қулай вазиятни йўққа чиқаришди. Учрашув охири яқинлашган сари мезбонлар ҳужуми кескин тус ола бошлади. Хатто захирадан майдонга туширилган Мирзозид Ғофуров "Навбаҳор" тўсинини мўлжалга ҳам олди. Бу қайсидир маънода ўзига хос огоҳлантириш бўлди десак муболаға бўлмайди. Ўз навбатида рақиб ҳужумини тўхтатиш учун футболчиларимиз ўйин қоидасини бузишга ҳам мажбур бўлишди. Натижада беллашув тугашига 6 дақиқа қолганида Азим Аҳмедов иккинчи бор огоҳлантириш олиб, майдонни тарк этишга мажбур бўлди. Орадан ҳеч қанча ўтмай камчилик бўлиб қолган "лочинлар" ўз дарвозасидан иккинчи тўпни ўтказиб юборишди. Қўшиб берилган дақиқаларда "Машъал" учинчи тўпни ҳам Ортиқов қўриқлаган дарвозага жойлашга эришди, бироқ ён ҳакам Жиямуродов ўйиндан ташқари холатда қолган деб кўрсатди. Шу тариқа иккинчи даврани "Навбаҳор" сафардаги дуранг билан бошлади.

"Машъал" - "Навбаҳор" 2:2 (1:2). 3 август. Муборак. Б. Вафоев номидаги ўйингоҳ. 1572 томошабин.
Ҳакамлар: О. Толибжонов - 8,3, Н. Рузимов - 8,4, А. Сидоров - 8,4, Э. Турсунов - 9.
Назоратчи - С. Нажафалиев.
«Машъал»: 30.Ботир Носиров (1.Санжар Қувватов, 11), 7.Жаҳонгир Жиямуродов, 8.Аббос Омонов (23.Мирзоҳид Ғофуров, 46), 9.Ҳумоюн Муртозаев, 13.Шахзод Шайманов, 16.Холмурод Холмуродов, 18.Аббос Шодмонов (10.Жамшид Ҳасанов, 75), 20.Шерзод Файзиев, 22.Сирож Ҳамроев, 26.Зоҳир Қўзибоев, 90.Зафар Тўраев.
«Навбахор»: 87.Акмал Ортиқов, 2.Алишер Саматов, 7.Саънат Шихов, 8.Азим Аҳмедов, 9.Илҳом Бойдадаев (5.Раҳматулла Бердимуродов, 90+4), 10. Алишер Маҳмудов (21.Аъзам Алиев, 55), 22.Шаҳбоз Эркинов (26.Қаҳрамон Маҳаммаджонов, 88), 27.Роббим Ҳасанов, 29.Дилшод Жабборов, 33.Тоҳир Шамсиддинов, 89.Бобур Акбаров.
Голлар: Ш. Файзиев (39), Х. Муртазоев (88) - А. Маҳмудов (9), Ш. Эркинов (28).
Огоҳлантиришлар: Х. Холмуродов (60) - Р. Ҳасанов (7), А. Аҳмедов (35)
Четлатиш: А. Аҳмедов (84, иккинчи огоҳлантириш).

 

Навбатдаги учрашув

Олий лига, 12- тур

27.05.2017 19:00


Ўтган ўйинлар

18/05 Бухоро - Навбаҳор 3:3

12/05 Навбаҳор-Қўқон-1912 1:1

04/05 Навбаҳор-Локомотив 2:2

28/04 Пахтакор - Навбаҳор 1:0

22/04 Навбаҳор - Шўртан 1:0

 

 

 

 

 

Турнир жадвали

№ Жамоа

Ў

Ю

О

1. Локомотив

10

7

23

2. Насаф

10

6

20

3. Қўқон-1912

11

5

20

4. Бухоро

11

5

17

5. Навбахор

11

4

17

6. Олмалиқ

11

4

16

7. Динамо

11

4

15

8. Машъал

11

4

15

9. Пахтакор

11

4

15

10. Сўғдиёна

11

4

14

11. Шўртан

11

4

12

12. Қизилқум

11

2

11

13. Бунёдкор

10

2

11

14. Нефтчи

11

2

10

15. Обод

11

2

9

16. Металлург

10

2

8

Олий лига-2017

26/05 "Динамо" – "Қизилқум"

26/05 "Қўқон-1912" – "Бухоро"

26/05 "Машъал" – "Обод"

26/05 "Металлург" – "Насаф"

26/05 "Пахтакор" – "Сўғдиёна"

27/05 "Навбаҳор""Бунёдкор"

27/05 "Локомотив" "Нефтчи"

27/05 "Шўртан" "Олмалиқ"

Мактублар почтаси

Мактублар почтасидан фойдаланиш учун сайтга киринг ёки регистрациядан ўтинг!

Авторизация

FAQ

ПАНЕЛЬ
ПАНЕЛЬ