pfcnavbahor.uz "Навбаҳор" профессионал футбол клубининг расмий сайти
“Локо” ёшлари мағлуб этилди
03.05.2017 19:32

Ёшлар биринчилигининг 9-турида Тошкентнинг “Локомотив” клубини қабул қилган “Навбаҳор” ёшлари ғалабани тантана қилишди. Ушбу ғалаба орқали ёшларимиз жамғарилган очколар сонини 10 тага етказиб олишди ва мусобақа жадвалида 12-ўринга кўтарилиб олишди.
Биринчи бўлимда футболчиларимиз устунликни қўлга олган ҳолда ҳаракат қилишди. Ҳужумкор руҳда тўп сурган вакилларимиз рақиб дарвозаси олдида хавфли вазиятларни юзага келтиришди. Ўйин бошларида Равшан Хурсанов ҳисобни очишга яқин келганди. Равшан жарима майдончасига ёриб кириб, дарвоза томон зарба йўллади. Футболчимизнинг ўткир бурчак остидан тепган тўпини Рустам Нортожиев майдон ташқарисига чиқариб юборишга улгурди. Кейинги вазиятда Тимур Толиповнинг ўнг қанотдан узатиб берган тўпини Абдуазиз Султанов дарвозага йўллай олмади. Биринчи бўлим ўрталарида “Локомотив” ҳужумчиси Бобир Тиллабоев гол уришга яқин келганди. Ашурматов билан деярли яккама-якка вазиятга чиққан “Локо” футболчисига Жавоҳир Олимжонов имкон бермади. 23-дақиқада эса рақиб посбони билан яккама-якка вазиятга чиққан Султанов дарвозани нишонга олиб ҳисобни очди. Бўлим сўнггида Равшан Хурсанов ҳисобни 2:0 кўринишига келтириб қўйди. Хурсанов ҳам рақиб посбони билан яккама-якка вазиятда дарвозани нишонга олди.
Иккинчи бўлимда “Локомотив” футболчилари ҳаракатида фаоллик кўзга ташланди. Натижада Ашурматов қўриқлаётган дарвоза олдида вазиятлар юзага келтирилди. Дарвозабон ва ҳимоячиларимиз ҳужумларни бартараф этиш рақибга имкон беришмади. Вақт ўтгани сайин футболчиларимиз вазиятни тенглашга эришишди. Гол уриш учун Бойдедаев, Хурсанов ва Толиповларда гол уриш учун имкониятлар бўлсада вазиятларни голга айлантиришда футболчиларимизга аниқлик етишмади. 73-дақиқага келиб эса меҳмонлар Акбар Қўчқровнинг аниқ зарбасидан кейин ҳисобни тенглаштиришди. Ҳисобдаги фарқни қисқариши учрашувнинг якуний қисмини муросасиз руҳда ўтишига замин яратди. Қарама-қарши ҳужумлар ташкил этилгани мухлисларга манзур бўлди. Ҳужумлар давомида футболчиларимизда ғалабани таъминлаш имконияти ҳам юзага келди. Бир гал Аҳмад Мамадалиевнинг жарима майдончасига ёриб кириб берган зарбасидан кейин тўп дарвоза тўсинига тегиб қайтди. Қайтган тўпга Абдуазиз Султонов яқин масофадан зарба берган бўлсада мўлжални олишда хатога йўл қўйди. Меҳмонлардан эса Улуғбек Абдуллаев ҳисобни тенглаштиришга яқин келганди. Унинг якуний зарбаси ҳам ноаниқ бўлди.
“Навбаҳор” – “Локомотив” – 2:1 (2:0). 3 май. Наманган. “Марказий” ўйингоҳ. 978 томошабин.
Ҳакамлар: Б.Юльчараев - 7,8, И.Носиров - 8,3, М.Нехочин - 8,2, М.Маматханов - 8.
Назоратчи – И.Шарипов.
“Навбаҳор”: 12. Нодир Ашурматов, 9. Илҳом Бойдедаев, 14. Ҳожиакбар Юнусов (С), 16. Абдуазиз Султонов, 21. Билол Тошмирзаев (51. Акбарали Холдоров, 54), 26. Жавоҳир Олимжонов, 27. Равшан Хурсанов (28. Музаффар Абдуллаев, 90+1), 33. Тоҳир Шамситдинов (10. Илҳом Алибоев, 46), 35. Алишер Мирзаев, 88. Абдулазиз Нишанбаев, 99. Тимур Толипов (48. Аҳмад Мамадалиев, 74).
“Локомотив”: 96. Рустам Нортожиев, 7. Бобир Тиллабоев (28. Акбар Қўчқоров, 56), 8. Жаҳонгир Сафаров, 17. Шоҳруҳ Мўминқулов (10. Бек Абдуллаев, 46), 18. Рустам Ҳамроев, 22. Улуғбек Абдуллаев (97. Азамат Адилов, 88), 24. Азизбек Аманов (11. Алишер Шералиев, 46), 31. Отабек Муҳамедов (36. Юсуф Шоимов, 46), 70. Бобир Эргашев (68. Воҳид Юнусов, 72), 77. Дилшод Эргашев, 87. Фарруҳ Иброҳимов (С).
Голлар: А.Султанов (23), Р.Хурсанов (42) – А.Қўчқоров (73).
Огоҳлантиришлар: Ҳ.Юнусов (28), А.Мирзаев (52), А.Султанов (62) - Ж.Сафаров (33).

 

 

Навбатдаги учрашув

Олий лига, 15- тур

25.06.2017


Ўтган ўйинлар

14/06 Сўғдиёна - Навбаҳор 2:1

27/05 Навбаҳор - Бунёдкор 1:1

18/05 Бухоро - Навбаҳор 3:3

12/05 Навбаҳор-Қўқон-1912 1:1

04/05 Навбаҳор-Локомотив 2:2

 

 

 

 

Турнир жадвали

№ Жамоа

Ў

Ю

О

1. Локомотив

13

10

32

2. Қўқон-1912

14

7

26

3. Насаф

13

7

23

4. Олмалиқ

14

6

23

5. Пахтакор

14

6

21

6. Бухоро

14

6

20

7. Машъал

14

5

19

8. Навбахор

14

4

19

9. Динамо

14

5

18

10. Металлург

13

5

17

11. Қизилқум

14

4

17

12. Сўғдиёна

14

5

17

13. Бунёдкор

13

3

15

14. Шўртан

14

5

15

15. Нефтчи

14

2

11

16. Обод

14

2

9

Олий лига-2017

25/06 "Қизилқум" "Шўртан"

25/06 "Насаф" - "Навбаҳор"

25/06 "Нефтчи" "Металлург"

25/06 "Обод" "Пахтакор"

25/06 "Олмалиқ" "Қўқон-1912"

25/06 "Сўғдиёна" "Бухоро"

26/06 "Бунёдкор" "Локомотив"

26/06 "Динамо" – "Машъал"

 

Мактублар почтаси

Мактублар почтасидан фойдаланиш учун сайтга киринг ёки регистрациядан ўтинг!

Авторизация

FAQ

ПАНЕЛЬ
ПАНЕЛЬ